Imron "Sehrgar" qo‘shig‘ini tez orada taqdim etadi
Xonanda Imron o‘zining Instagram sahifasiga yangi video-post joyladi. Bu haqda Zamin.uz xabar berdi.
Ushbu qisqa videodan ma’lum bo‘lishicha, xonandaning navbatdagi yangi qo‘shig‘i yaqin kunlarda taqdim etilishi rejalashtirilgan. Yangi tarona "Sehrgar" deb nomlanadi.
Post e’lon qilingan zahoti qo‘shiqning qisqa parchasi muxlislar e’tiborini o‘ziga tortib, ular orasida katta qiziqish uyg‘otdi. Izohlarda ko‘plab obunachilar ushbu qo‘shiqni imkon qadar tezroq chiqarishni so‘rashmoqda.
Shuningdek, ular "Sehrgar" uchun albatta klip suratga olinishi kerakligini ta’kidlab o‘tishgan. Ba’zi muxlislar klipda bosh rolni aktrisa Durdona Qurbonova ijro etishini taklif qilishdi.
Ularning fikricha, bu qo‘shiq yaqin kunlarda tinglovchilar orasida eng mashhur taronalardan biriga aylanishi mumkin. Muxlislar Imrondan tez orada yangiliklar kutmoqda.
