Yildiz Tilbe muhtojlar uchun iftor dasturxoni tashkil etdi

Turkiyalik mashhur xonanda Yildiz Tilbe G‘azo va boshqa inqirozlar yuz berayotgan hududlarda katta xayriya tadbirlarini boshladi. Bu haqda Zamin.uz xabar berdi.

U Ramazon oyi davomida G‘azoda qurolli to‘qnashuvlar oqibatida ochlikdan aziyat chekayotgan 12 ming kishiga har kuni iftor dasturxoni tashkil etmoqda. Ma’lumotlarga ko‘ra, Tilbe muhtojlarga issiq taomlarni nodavlat tashkilotlar orqali yetkazib bermoqda.

Iftor dasturlarini moliyalashtirish jarayoni esa allaqachon yakunlangan. Xonanda faqat bir hudud bilan cheklanib qolmay, “Har bir uyda issiq ovqat bo‘lishi kerak!” shiori ostida turli mintaqalarda yordam ko‘rsatmoqda.

Uning xayriya faoliyati Yaman, Suriya, Afg‘oniston, Sharqiy Turkiston, Efiopiya, Janubiy Sudan, Arakan va Kashmir kabi hududlarni ham qamrab oladi. Ramazon iftori dasturxonlari Yildiz Tilbe nomidan Quddus ko‘ngillilari uyushmasi tomonidan tashkil etilmoqda.

Xonandaning bu sa’y-harakatlari muhtojlarga katta yordam bo‘lmoqda.