Zebo Rahimova turmush va sevgi haqidagi fikrlari bilan o‘rtoqlashdi
Bloger Zebo Rahimova yaqinda bergan intervyusida shaxsiy hayoti va turmush qurishga oid fikrlari bilan o‘rtoqlashdi. Bu haqda Zamin.uz xabar berdi.
U ilk bor sovchilar 12 yoshida kelganini aytib o‘tdi. Zeboning eslashicha, 18 yoshida ham bir yigit tomonidan sovchilar yuborilgan.
Yigitning oilasi yaxshi taassurot qoldirgan bo‘lsa-da, yigitning o‘zi kutilganidek emas edi. "Bizga umuman mos kelmaydigan inson ekan", deydi bloger.
Ushbu holatdan so‘ng, Zeboning ota-onasi o‘zlarini biroz aybdor his qilgan va avvaliga turmush o‘rtog‘ini o‘zlari tanlab berishni rejalashtirishgan. O‘sha davrlarda ota-onasi unga "kimni munosib deb topsak, shunga turmushga chiqasan", deb aytishgan.
Zebo bu fikrga qarshi chiqmaganini, chunki kimnidir sevib qolishini tasavvur qilmaganini bildirgan. Ammo keyinchalik ota-onasi qarorni uning o‘ziga qoldirishga qaror qilishgan.
“Qanday yigit bo‘lishi kerak?” degan savolga bloger aniq reja qilmaganini, ammo unga kerakli fazilatlar bo‘lsa, o‘sha inson bilan turmush qurishi mumkinligini aytgan. Shuningdek, Zebo tanlangan insonni sevish muhimligini ta’kidlab o‘tgan.
Uning fikricha, munosabatlarda mehr va o‘zaro tushunish eng muhim omillar hisoblanadi.
