Ruxshona “Vatanga sodiq inson” nishoni bilan taqdirlandi
Xonanda Ruxshona o‘zining Instagram sahifasida “Vatanga sodiq inson” ko‘krak nishoni bilan taqdirlangani haqida xabar berdi. Bu haqda Zamin.uz xabar berdi.
U mazkur mukofotga sazovor bo‘lgani haqidagi suratni e’lon qilib, quyidagicha fikrlarini bildirdi: “Alhamdulillah, 16 yildan beri shu yurtda ijod qilib kelmoqdaman. Bugun esa “Vatanga sodiq inson” ko‘krak nishoni bilan taqdirlandim.
Avvalroq “O‘zbekiston belgisi” ko‘krak nishoni va Milliy gvardiya tomonidan topshirilgan “Ma’naviyat a’lochisi” nishonlariga ega bo‘lgan edim. Endi esa mukofotlarim soni uchta bo‘ldi.
Xudo xohlasa, kelajakda “O‘zbekistonda xizmat ko‘rsatgan artist” unvoni ham nasib etadi”, — deb yozdi xonanda. Ushbu xushxabar Ruxshonaning muxlislari, yaqinlari va hamkasblarini xursand qildi.
Ijtimoiy tarmoqlarda ko‘plab izohlar qoldirilib, san’atkorga tabriklar va kelgusi ijodiy faoliyatida muvaffaqiyatlar tilandi.
