Munisa Rizayeva ayollarga o‘zini qadrlashni maslahat berdi

Xonanda Munisa Rizayeva ijtimoiy tarmoqlarda joylashtirgan videolarida hayoti, sinovlari va shaxsiy qarashlari haqida ochiq fikr bildirdi. Bu haqda Zamin.uz xabar berdi.

U har bir insonning hayotida o‘ziga xos muammo va imtihonlar bo‘lishini ta’kidladi. "Hammada o‘ziga yarasha sinovlar, muammolar bor.

Odamlarga havas qilmanglar. Instagramdagi baxtli hayotga ham ishonmang", deya izoh qoldirdi san’atkor.

Uning fikricha, ijtimoiy tarmoqlarda ko‘rsatilayotgan hayot har doim ham haqiqatni aks ettirmaydi. Munisa Rizayeva ayniqsa ayollarga murojaat qilib, muhim maslahat berdi.

Unga ko‘ra, ayol kishi avvalo o‘zini qadrlashi, o‘zini sevishi va o‘zini tanlashi kerak. "Avval o‘zingizni birinchi o‘ringa qo‘ying — eringizni ham, farzandingizni ham emas, o‘zingizni.

Qachonki o‘zingizni tanlasangiz, o‘zingizni sevsangiz, xo‘jayiningiz ham, farzandingiz ham sizni hurmat qiladi va yaxshi ko‘radi", deydi u. Xonandaning ta’kidlashicha, ayol o‘zini unutib qo‘ysa, o‘ziga e’tibor bermasa, atrofdagilar ham uni qadrlamay qo‘yadi.

Uning fikricha, hurmat va muhabbat avvalo insonning o‘zini qadrlashidan boshlanadi.