Sardor Mamadaliyev oliyjanob xonandalar haqida fikr bildirdi

Xonanda Sardor Mamadaliyev “IntervyuTV” ko‘rsatuvida unga “Siz uchun oliyjanob xonandalar kimlar?” degan savol berildi. Bu haqda Zamin.uz xabar berdi.

U bu savolga javoban o‘z fikrlarini samimiy tarzda ifoda etdi. Sardor Mamadaliyevning aytishicha, uning nazarida oliyjanob xonandalar — qo‘shiqlarini hech qachon qizg‘onmaydigan insonlardir.

U bunday insonlarga misol tariqasida Ahad Qayumni keltirdi. Ahad Qayum hech qachon o‘z she’rlari uchun pul olmagan, hatto Sardor Mamadaliyevdan ham olmagan.

Shuningdek, Ozodbek Nazarbekov ham shunday insonlardan biri ekanligini ta’kidladi. Xonanda bir safar Ozodbek Nazarbekovning shousida “Meni sevib qolsayding” qo‘shig‘ini ijro etganini aytdi.

Shu ijrodan so‘ng Ozodbek Nazarbekov unga ushbu qo‘shiqni sovg‘a qilgan. Sardor Mamadaliyev bu qo‘shiq uchun klip suratga olmoqchi bo‘lganda esa ularga hech qanday cheklov qo‘yilmagan, istagancha klip olishi mumkinligini bildirishgan.

U qo‘shiqlarni qizg‘onish mumkin emasligini tushunmasligini aytib o‘tdi. Chunki, bu qo‘shiqlarga faqat ijrochi sababchi bo‘lib, aslida ular insonlarga emas, balki Allohga tegishli ekanligini ta’kidladi.

Shu sababli, xonanda bunday san’atkorlarni oliyjanob deb hisoblaydi.