Aziza Nizomova shaxsiy hayoti va turmush qurish yoshi haqida

Xonanda Aziza Nizomova o'zining shaxsiy hayoti atrofida tarqalgan turli mish-mishlar va gap so'zlarga munosabat bildirdi. Bu haqda Zamin.uz xabar berdi.

San'atkor bergan intervyularidan birida oila qurish yoshi haqidagi savollarga javob berib, o'zi o'ttiz yoshga to'lganida turmush qurganini ta'kidladi. Uning fikricha, inson baxtni qaysi yoshda topsa, aynan o'sha vaqt eng to'g'ri fursat hisoblanadi va bu borada kechikish deb narsaning o'zi yo'q.

San'atkor nikoh to'yi juda kamtarona tarzda o'tkazilganini eslab o'tdi. Dastlab xonanda va uning turmush o'rtog'i faqat FHDYo organlarida nikohni rasmiylashtirish bilan cheklanmoqchi bo'lishgan.

Biroq keyinchalik turmush o'rtog'ining tashabbusi va xohishi bilan kichikroq to'y marosimi tashkil etilgani ma'lum bo'ldi. Shuningdek, Aziza Nizomova jamiyatda noto'g'ri talqin qilingan ba'zi holatlarga ham aniqlik kiritdi.

Uning aytishicha, to'y marosimi o'tkazilgan vaqtda u uch oylik homilador bo'lgan, ammo rasmiy nikoh bundan ancha oldin qayd etilgan edi. Aynan mana shu tafsilotlar noto'g'ri tushunilib, turli asossiz gap-so'zlarning tarqalishiga sabab bo'lganini ta'kidladi.

Xonanda o'ziga nisbatan aytilayotgan bunday gaplar mutlaqo asossiz ekanini bildirdi. San'atkor vaziyatga oydinlik kiritgan holda, muxlislarini va kitobxonlarni haqiqatni to'g'ri qabul qilishga hamda boshqalarning shaxsiy hayotiga aralashmaslikka chaqirdi.