Shahriyor Argonovning ijodiy yo'li va shaxsiy hayoti haqida
Asl kasbi aktyor bo'lgan, Seni ko'rdim, Isming yuragimda, Do'stmisan va Uzilgan aloqa kabi taronalari bilan tanilgan xonanda Shahriyor Argonov 15 aprel kuni 37 yoshni qarshi oldi. Bu haqda Zamin.uz xabar berdi.
Shaxsiy hayotini ommadan sir tutadigan san'atkorning hayot yo'li va ijodiy faoliyati haqida batafsil to'xtalamiz. Shahriyor oila qurishga 34 yoshida qaror qilgan.
U 2023 yilning 11 iyul kuni Nurangiz ismli qizga uylandi. Samarqand shahrida bo'lib o'tgan tantanali to'yda shou biznes vakillarining ko'pchiligi ishtirok etdi.
Xonanda o'z familiyasining noyobligi haqida gapirib berdi. Argonov familiyasining ma'nosini kattalardan so'rash kerakligini aytgan ijodkor, bu so'z arqon so'zidan kelib chiqqan bo'lishi mumkinligini taxmin qiladi.
Shuningdek, u kimyoviy elementlar orasida ham argon nomi mavjudligini ta'kidladi. Hozirda Shahriyor nafaqat poytaxtda, balki Samarqandda ham eng talabgir xonandalardan biri hisoblanadi.
Ma'lumotlarga ko'ra, uning Toshkentdagi chiqishlari taxminan 600 dollar bo'lsa, Samarqanddagi bir soatlik xizmati 4500 dollarga baholanmoqda. 1989 yil 15 aprelda Samarqandda tug'ilgan san'atkor turli millat vakillari yashaydigan muhitda voyaga yetgan.
U vokal bilan shug'ullansa-da, musiqiy ta'lim olmaganini tan oladi. Shahriyor konservatoriya yoki kollejda o'qimagan, biroq estrada aktyori fakultetida ikki yil tahsil olib, amaliyotni Operetta teatrida o'tagan.
Uning fikricha, san'at aniq fan emas va uni qisqa vaqtda o'rganib bo'lmaydi. San'atkor butun umri davomida ijod orqali dunyoni anglashni istaydi.
Ijodiy yo'lini rep yo'nalishida boshlagan xonanda hozirda milliy va zamonaviy estradaga ko'proq e'tibor qaratmoqda. 15-16 yoshlarida repga kuchli qiziqqani, vaqt o'tishi bilan esa dunyoqarashi kengayib, boshqa uslublarda ham ijod qilish istagi uyg'onganini izohladi.
Shahriyor aktyorlik faoliyati bilan ham shug'ullangan. Uning ishtirok etgan Bo'rilar va Tashlandiq filmlari tomoshabinlar tomonidan ijobiy qabul qilindi.
Biroq, so'nggi yillarda kino sohasidan uzoqlashganini aytdi. Bunga sabab sifatida zamonaviy filmlardagi ilhomning kamligi va syujetlarning yuzaki ekanligini ko'rsatdi.
2011 yilda AQSHga safar qilgan san'atkor bu sayohatni muhitni o'zgartirish va musofirlik tuyg'usini his qilish uchun amalga oshirgani haqida so'zladi. Hozirgi ijodi borasida muxlislarning turli fikrlari mavjudligini tan olgan xonanda, uslubini bosqichma-bosqich yangilab borayotganini ta'kidladi.
