Burak Deniz giyohvand moddalar iste'mol qilgani aniqlandi
Turkiyalik mashhur aktyor va model Burak Denizga oid muhim xabar eʼlon qilindi. Bu haqda Zamin.uz xabar berdi.
Yeniçağ nashriyoti maʼlum qilishicha, aktyorning tahlil qilinishi uchun topshirilgan soch va qon namunalarida giyohvand moddalar aniqlandi. Sud tibbiyot instituti tomonidan olib borilgan tekshiruvlar natijasida Burak Denizning namunalarida marixuana va kokain moddalari topilgan.
Shu bilan birga, aktrisa Serra Pirinch, Enes Gulerdan, xonanda Utku Unsal va Simge Sagʻinning namunalarida ham turli giyohvand moddalar aniqlanganligi maʼlum qilindi. Bu holat aktyor uchun jiddiy oqibatlarga olib kelishi mumkin.
Burak Deniz nafaqat jinoiy javobgarlikka tortilishi, balki reklama shartnomalari va loyihalardan ham mahrum boʻlishi ehtimoli mavjud. Avvalgi davrlarda ham aktyorning mast holatda mojarolarga aralashgani haqida xabarlar tarqalgan edi.
Burak Deniz hozirda 35 yoshda boʻlib, u aktyorlik faoliyatini 20 yoshida Kollej kundaligi nomli yoshlar serialida boshlagan. Keyinchalik u Qochoq, Yoqimtoy aldoqchi qizchalar va Bizning hikoya kabi taniqli seriallar orqali nafaqat Turkiyada, balkEslatib oʻtish joiz, bundan oldin ham Burak Deniz Istanbul shahrida giyohvandlikka qarshi o‘tkazilgan operatsiya doirasida qo‘lga olingan edi.
U bilan birga bir qator boshqa mashhur sanʼatkorlar ham hibsga olinganligi xabar qilingan. Bu voqea ijodkorning shaxsiy hayoti va martabasi uchun jiddiy tahdid solayotgani ayniqsa muhimdir.
