Garri Potter kinoteatriga aylanuvchi Los-Anjeles
AQSHning Los-Anjeles shahrida "Garri Potter va sehrgarlar tosi" filmining 25 yilligi munosabati bilan mutlaqo yangi formatdagi 360 darajali kinoteatr o'z eshiklarini tomoshabinlar uchun ochdi. Bu haqda Zamin.uz xabar berdi.
Loyiha Warner Bros. va Cosm kompaniyalari hamkorligida amalga oshirildi.
Yangi kinoteatrning asosiy o'ziga xosligi — diametri 26 metr bo'lgan ulkan 12K aniqlikdagi gumbazsimon ekrandir. Ushbu texnologiya tomoshabinlarga film voqealari ichida yurgandek taassurot uyg'otadi.
Tasvirlar nafaqat old tomonda, balki tepa va yon tomonlarda ham aks etib, to'liq immersiv muhit hosil qiladi. Ayniqsa, minglab maktublar uchib keladigan mashhur sahna maxsus vizual effektlar bilan namoyish etilib, tomoshabinlarda voqealar markazida turgandek taassurot uyg'otadi.
Bu sahna aynan Garri Potter kinofransiyasining eng tanlangan va sevimli qatorlaridan biri hisoblanadi. Tashrif buyuruvchilar uchun film mavzusiga mos maxsus taom va ichimliklar ham tayyorlangan.
Jumladan, afsonaviy "Shokoladli qurbaqalar" hamda Xogvarts fakultetlari uslubida bezatilgan kokteyllar taklif etilmoqda. Tomoshabinlar kinodan tashqarida ham sehrgarlar olamiga sho'ng'ish imkoniyatiga ega bo'lishmoqda.
Ma'lumotlaga ko'ra, ushbu noyob kino tajribasi uchun chiptalar narxi o'rindiq joylashuviga qarab 46 dollardan 80 dollargacha etib belgilangan. Kinoteatrga tashrif buyuruvchilar soni har kuni ortib bormoqda.
Ushbu loyiha Garri Potter kinofransiyasining 25 yilligini nishonlashda muhim o'rin tutmoqda.
