Pugachyova vakili yurak operatsiyasi xabarini rad etdi
Alla Pugachyovaning vakili Yelena Chuprakova xonanda yurak operatsiyasini o‘tkazgani va ijodiy faoliyatini yakunlagani haqida tarqalgan xabarlarni rad etdi. Bu haqda Zamin.uz xabar berdi.
U RIA Novosti agentligiga bergan izohida bu mavzuda hech qanday ma’lumotga ega emasligini aytdi. "Yo‘q, menda bunday ma’lumot yo‘q.
Bu haqda xabardor emasman", dedi Chuprakova xonandaning salomatligi va sahnadan ketgani haqidagi savolga javob berar ekan. Avvalroq Mash telegram kanali Pugachyova go‘yo ikki marta yurak operatsiyasini boshdan kechirgani, keyin esa sog‘lig‘i sabab barcha chiqishlarini bekor qilib, ijodiy faoliyatini tugatgani haqida yozgan edi.
Alla Pugachyova 2022 yil oktyabrida farzandlari bilan Isroilga ko‘chib ketgan. 2023 yil noyabrida u qisqa muddatga Rossiyaga qaytib, shaxsiy foydalanish uchta qo‘shiq yozganidan keyin yana mamlakatni tark etgan.
Shuningdek, Pugachyova 2024 yilning yanvar oyida ham Rossiyaga tashrif buyurgan. U o‘sha paytda bolalari va nabiralari bilan uchrashgan.
Biroq xonanda Rossiyaga doimiy ravishda qaytishi haqida hech qanday rasmiy ma’lumot berilmagan. Vakili Chuprakova barcha salomatlik va ijodiy faoliyatga oid mishmishlarni rad etishda davom etmoqda.
