Netflix Wednesday serialining uchinchi mavsumi suratga olinganini e’lon qildi

Netflix striming platformasi butun dunyoga mashhur bo‘lgan Wednesday serialining uchinchi mavsumini suratga olish ishlari yakunlanganini rasman e’lon qildi. Bu haqda One.uz xabar beradi.

Mazkur xabar loyiha ijodkorlari tomonidan taqdim etilgan yangi surat orqali jamoatchilikka ma’lum qilindi. Rejaga ko‘ra, ko‘p qismli filmning davomi 2027-yilda tomoshabinlar e’tiboriga havola etiladi.

Ushbu mavsum ham avvalgilari kabi sirli voqealar va kutilmagan burilishlarga boy bo‘lishi kutilmoqda. Aktyorlar tarkibi va ijodiy jamoa Bosh rolni, ya’ni Uenzdey Addams obrazini yana iste’dodli aktrisa Jenna Ortega ijro etadi.

Uchinchi mavsumda aktyorlar tarkibi yanada boyiganini ko‘rish mumkin. Xususan, Ketrin Zeta-Jons, Eva Grin, Uinona Rayder va Lina Hidi kabi jahon kinosining yorqin yulduzlari loyihada ishtirok etishgan.

Serialning o‘ziga xos muhitini yaratishda taniqli rejissyor Tim Bertonning hissasi katta bo‘lib, u yangi qismlarda ham o‘z mahoratini namoyish etgan. Yangi mavsumdagi asosiy voqealar Yangi qismlarda syujet yanada keskinlashib, qahramonlar murakkab vaziyatlarga duch kelishadi.

Voqealar markazida Uenzdeyning yaqin dugonasi Enidning jiddiy xavf ostida qolishi turadi. Dugonasini qutqarish maqsadida Uenzdey xavfli va sirli sarguzashtlarga kirishadi.

Bu jarayon qahramonning xarakteri va uning atrofidagilar bilan munosabatlarini yangi qirradan ochib berishi kutilmoqda. Ma’lumot o‘rnida aytish joizki, Wednesday serialining birinchi mavsumi 2022-yilda namoyish etilib, qisqa fursatda katta muvaffaqiyat qozongan edi.

Shundan so‘ng, 2025-yilda ikkinchi mavsum tomoshabinlar hukmiga havola qilindi. Endilikda serial ijodkorlari uchinchi mavsum orqali Addamslar oilasi haqidagi hikoyani davom ettirishmoqda.

Muxlislar qahramonlarning keyingi taqdiri qanday kechishini 2027-yilda bilib olishlari mumkin bo‘ladi.