Talabalar yotoqxonaga ariza topshirishni boshladi
2023 yil 1 avgustdan boshlab oliy ta’lim muassasalari talabalari uchun talabalar turar joyiga joylashish maqsadida ariza topshirish jarayoni rasmiy ravishda boshlandi. Bu haqida Zamin.uz xabar berdi.
Ushbu jarayon Vazirlar Mahkamasining 14 avgustdagi 376-son qarori asosida tartibga solingan. Arizalar my.gov.uz elektron portalida onlayn shaklda qabul qilinadi.
Avvalo, imtiyozli va ustuvor toifadagi talabalar yotoqxonaga joylashtiriladi. So‘ngra bo‘sh o‘rinlar navbat tartibida taqsimlanadi.
1-kurs talabalariga 55 dan 65 foizgacha, 2-kurslarga 15 dan 20 foizgacha, 3-kurs va undan yuqori kursdagi talabalar uchun esa 20 dan 25 foizgacha o‘rin ajratiladi. Arizalar qabul qilish jarayoni o‘quv yili tugaguniga qadar davom etadi.
Talabalar o‘z arizalarini belgilangan muddat ichida topshirishlari zarur. Bu haqda batafsil ma’lumotni Vazirlar Mahkamasi qaroridan olishingiz mumkin.
Manba: zamin.uz.
