O‘zbekistonda harorat pasayishi va shamol kuchayadi
O‘zbekistonda kelayotgan o‘n kunlik ob-havo ma’lumoti e’lon qilindi. Bu haqida Zamin.uz xabar berdi.
Ma’lumotlarga ko‘ra, joriy haftaning ikkinchi yarmida mamlakatda harorat pasayishi kuzatiladi. Respublikaning shimoliy hududlarida havo asosan bulutli bo‘lib, yog‘ingarchilik kutilmaydi.
Faqat 13 avgust kuni Qoraqalpog‘iston Respublikasining ayrim joylarida qisqa muddatli yomg‘ir yog‘ishi va momaqaldiroq bo‘lishi mumkin. Shamol odatda sharqdan 7-12 metr soniyada tezlikda esadi, 13-16 avgust kunlari ayrim hududlarda shamol tezligi 13-18 metr soniyagacha kuchayib, chang-to‘zonlar yuzaga kelishi ehtimoli bor.
Kechasi harorat 13 avgustda 18-23 daraja, 14-20 avgustda 15-20 daraja atrofida bo‘ladi, kunduzi esa harorat 30-35 daraja orasida saqlanadi. Buxoro va Navoiy viloyatlarida havo biroz bulutli, yog‘ingarchilik kutilmaydi.
Shamol sharqdan 7-12 metr soniyada esadi, 13-16 avgustda ba’zi joylarda 13-18 metr soniyagacha tezlashishi, chang-to‘zonlar yuzaga kelishi mumkin. Kechasi harorat 13-15 avgustda 19-24 daraja, 16-20 avgustda 17-22 daraja atrofida, kunduzi esa 13-14 avgustda 34-39 daraja, 15-20 avgustda 32-37 daraja orasida bo‘ladi.
Toshkent, Samarqand, Sirdaryo va Jizzax viloyatlarida havo asosan bulutli bo‘ladi, yog‘ingarchilik kutilmaydi. Shamol sharqdan 7-12 metr soniyada esadi, 13-16 avgustda ayrim joylarda shamol tezligi 13-18 metr soniyagacha kuchayishi, chang-to‘zonlar yuzaga kelishi mumkin.
Harorat 13-15 avgustda kechasi 19-24 daraja, kunduzi 33-38 daraja, 16-20 avgustda kechasi 17-22 daraja, kunduzi 31-36 daraja atrofida bo‘ladi. Janubiy viloyatlarda havo biroz bulutli, yog‘ingarchilik kutilmaydi.
Shamol sharqdan 7-12 metr soniyada esadi, 13-16 avgustda ba’zi joylarda shamol tezligi 13-18 metr soniyagacha kuchayishi mumkin. Kechasi harorat 13-15 avgustda 21-26 daraja, kunduzi 36-41 daraja, 16-20 avgustda kechasi 19-24 daraja, kunduzi 34-39 daraja atrofida bo‘ladi.
Vodiy hududlarida havo biroz bulutli bo‘lib, yog‘ingarchilik kutilmaydi. Faqat 16-17 avgust kunlari ayrim joylarda qisqa muddatli yomg‘ir yog‘ishi va momaqaldiroq bo‘lishi mumkin.
Shamol sharqdan 5-10 metr soniyada esadi. Harorat 13 avgustda kechasi 19-24 daraja, kunduzi 34-39 daraja, 14-15 avgustda kechasi 19-24 daraja, kunduzi 33-38 daraja, 16-20 avgustda kechasi 17-22 daraja, kunduzi 30-35 daraja atrofida bo‘ladi.
Ma’lumotlar One.uz saytidan olindi.
