15 avgustda O‘zbekistonda shamol kuchayadi, chang-to‘zon bo‘ladi

O‘zbekistonda 15 avgust kuni havo sovushi va shamol kuchayishi kutilmoqda. Bu haqida Zamin.uz xabar berdi.

«O‘zgidromet» markazi ma’lumotiga ko‘ra, mamlakatning turli hududlarida ob-havoda sezilarli o‘zgarishlar yuz beradi. Poytaxt Toshkentda havo biroz bulutli bo‘lib, yog‘ingarchilik ehtimoli yo‘q.

Shamol sharq tomondan 5-10 metr/soniya tezlikda esadi, kechasi harorat 20-22 daraja atrofida, kunduzi esa 31-33 darajagacha ko‘tariladi. Sirdaryo, Jizzax va Samarqandda ham shunday ob-havo saqlanadi.

Shamol ba’zi joylarda 13-16 metr/soniyagacha kuchayishi, chang-to‘zonlar yuzaga kelishi mumkin. Harorat kechasi 17-22, kunduzi 30-35 daraja atrofida bo‘ladi.

G‘arbiy hududlarda, jumladan Qoraqalpog‘iston va Xorazmda shamol tezligi 7-12 metr/soniyadan 13-18 metr/soniyagacha oshishi, chang-to‘zonlar paydo bo‘lishi ehtimoli bor. Harorat kechasi 15-20, kunduzi 27-32 daraja oralig‘ida bo‘ladi.

Buxoro va Navoiy viloyatlarida ham shamol kuchayib, chang ko‘tarilishi mumkin. Harorat kechasi 18-23, kunduzi 30-35 daraja atrofida bo‘ladi.

Janubiy hududlarda, ya’ni Qashqadaryo va Surxondaryoda havo biroz bulutli, yog‘ingarchilik kutilmaydi. Shamol tezligi 13-18 metr/soniyagacha yetadi, chang-to‘zonlar kuzatilishi mumkin.

Harorat kechasi 19-24, kunduzi esa 34-39 darajagacha ko‘tariladi. Sharqiy viloyatlarda, xususan Andijon, Namangan va Farg‘onada ob-havo asosan ochiq va biroz bulutli bo‘ladi.

Shamol 5-10 metr/soniyadan 13-18 metr/soniyagacha kuchayishi mumkin. Harorat kechasi 19-24, kunduzi 31-36 daraja atrofida bo‘ladi.

Tog‘li hududlarda esa havo biroz bulutli, shamol 7-12 metr/soniyadan 13-18 metr/soniyagacha kuchayadi. Harorat kechasi 13-18, kunduzi 23-28 daraja bo‘ladi.

Sinoptiklar aholini shamol kuchayishi va chang-to‘zonlar xavfi haqida ogohlantirib, ehtiyot choralarini ko‘rishga chaqirmoqda. Ayniqsa, yo‘l harakati va ochiq havoda bo‘ladigan fuqarolar shamolli ob-havo sharoitida diqqatli bo‘lishlari lozim (manba: O‘zgidromet).