Yordam xodimlari hujumlarda rekord darajada halok bo‘ldi
Birlashgan Millatlar Tashkilotining ma’lumotlariga ko‘ra, o‘tgan yili dunyo bo‘ylab 383 nafar yordam xodimi halok bo‘lgan. Bu haqida Zamin.uz xabar berdi.
Bu ko‘rsatkich 1997-yildan beri qayd etilgan eng yuqori raqam bo‘lib, qurbonlarning taxminan yarmi G‘azo va bosib olingan Falastin hududlarida bo‘lgan. BMTning insonparvarlik masalalari bo‘yicha bosh kotib o‘rinbosari Tom Fletcher bu hujumlarni xalqaro hamjamiyatning loqaydligi va befarqligining sharmandali isboti deb atadi.
Hisobotda ta’kidlanishicha, 2025-yilda Sudan hududida 36 nafar, Ukrainada esa 3 nafar yordam xodimi halok bo‘lgan. Mart oyida G‘azoda sodir bo‘lgan voqeada Isroil o‘q otishi natijasida 15 nafar favqulodda xizmat va yordam ko‘rsatish xodimi halok bo‘lgani xalqaro norozilikka sabab bo‘lgan edi.
Isroil armiyasi aprel oyida ushbu hodisalarni buyruq buzilishi bilan izohladi va bir qator rahbarlik darajasidagi kasbiy xatolar tufayli qo‘mondonlardan biri lavozimidan olindi. BMT vakillari vaziyatni fojiali deb baholamoqda.
Ularning fikricha, yordam xodimlariga qarshi hujumlar kamaymay, aksincha ko‘paymoqda va xalqaro hamjamiyatning befarqligi jiddiy tashvish uyg‘otmoqda. Manba: zamin.uz
