Toshkent metrosida 5G va 4,5G aloqasi yo‘lga qo‘yildi
Ucell kompaniyasi Huawei bilan hamkorlikda Toshkent metropolitenida mobil aloqani barqarorlashtirish loyihasini muvaffaqiyatli yakunladi. Bu haqida Zamin.uz xabar berdi.
Bu loyiha Markaziy Osiyoda birinchi bo‘lib barcha bekatlarda 5G hamda tunnellarda 4,5G texnologiyasini joriy etishni o‘z ichiga oladi. Loyihaning amalga oshirilishi davomida 100 kilometrdan ortiq optik tolalar va 150 kilometr elektr kabellari tortildi, shuningdek, 200 dan ortiq uzatgichlar o‘rnatildi.
Bu esa metroning eng tirband va chuqur joylarida ham barqaror aloqa xizmatini ta’minlash imkonini berdi. Endilikda metro yo‘lovchilari 142 Mbit/s tezlikda qo‘ng‘iroq qilish, video tomosha qilish va internetdan foydalanish imkoniyatiga ega bo‘ldilar.
Ushbu loyiha shahar transportida yuqori texnologiyalarni joriy etishda yangi bosqichni ochdi. Manba: zamin.uz
