O‘zbekiston va Rossiya hamkorligi yangi bosqichga ko‘tarildi
O‘zbekiston va Rossiya o‘rtasidagi hamkorlik yangi bosqichga ko‘tarildi. Bu haqida Zamin.uz xabar berdi.
O‘zbekistonning Rossiyadagi elchisi Botirjon Asadov Moskvada o‘tkazilgan davra suhbatida ikki davlat o‘rtasidagi aloqalar bugungi kunda misli ko‘rilmagan darajaga yetganini ta’kidladi. Unga ko‘ra, bu hamkorlikning asosini davlatlar o‘rtasidagi doimiy ishonchli muloqot, parlament va hukumat darajasidagi uchrashuvlar, sanoatdagi qo‘shma loyihalar hamda madaniy-gumanitar aloqalar tashkil etadi.
So‘nggi sakkiz yil ichida ikki davlat o‘rtasidagi savdo hajmi uch barobar oshgan bo‘lib, yaqin besh yil ichida bu ko‘rsatkich 30 milliard dollarga yetkazilishi rejalashtirilgan. Rossiya O‘zbekiston iqtisodiyotidagi eng yirik investorlardan biri hisoblanadi.
Shuningdek, rossiyalik sayyohlarning mamlakatimizga bo‘lgan qiziqishi ham ortmoqda. Joriy yilning sakkiz oyida turizm oqimi 12 foizga oshib, taxminan 550 ming nafar sayyoh tashrif buyurgan.
Tez orada O‘zbekiston Prezidenti Shavkat Mirziyoyev va Rossiya Prezidenti Vladimir Putin Xitoyda uchrashib, ikki tomonlama hamkorlik masalalarini muhokama qilishlari rejalashtirilmoqda. Ushbu ma’lumot Kursiv.media saytidan olindi.
