Mamlakatda yangi qonun qabul qilindi va ayrim qonun hujjatlariga muhim o‘zgartirish hamda qo‘shimchalar kiritildi. Bu haqda Zamin.uz xabar berdi.
Bu haqida «Huquqiy axborot» portali ma’lum qildi. Qonunga ko‘ra, endi yopiq sud majlisining muhokamasi jarayonida olingan ma’lumotlar va tafsilotlarni sudning maxsus ruxsatisiz oshkor qilgan shaxslar jinoiy javobgarlikka tortiladi.
Jinoiy javobgarlik tartibi va choralari batafsil ochiqlanmagan bo‘lsa-da, ushbu qoidalar huquqiy tizimda muhim yangilik sifatida e’tirof etildi. Yangi tartibga asosan, agar ish yopiq sud majlisida ko‘rish uchun asosli bo‘lsa, sud tomonidan alohida ajrim chiqariladi.
Ushbu qaror asosida yopiq sud majlisida ishtirok etayotgan shaxslar maxsus ogohlantiriladi va ulardan yozma tilxat olinadi. Tilxatda, agar mazkur majburiyat buzilsa, shaxs Jinoyat kodeksining 239-moddasi bo‘yicha javobgarlikka tortilishi mumkinligi ko‘rsatiladi.
Mutaxassislar fikricha, ushbu qonun sud jarayonlarida maxfiylik va qonuniylikni yanada mustahkamlaydi, ishtirokchilarning mas’uliyatini oshiradi hamda sud adolatini ta’minlashda muhim rol o‘ynaydi. Qonun rasmiy e’lon qilingan kundan kuchga kirdi va amaliyotda yangi bosqich boshlandi.
Manba: Huquqiy axborot portali.
