Samarqandda sayyohlik rahbari noqonuniy migratsiya uyushtirdi

Samarqand shahrida faoliyat yurituvchi sayyohlik kompaniyasi rahbari bir guruh fuqarolarning ishonchiga kirib, ularni noqonuniy ravishda Meksika orqali Amerika Qo‘shma Shtatlariga olib chiqishni va’da qilgani ma’lum bo‘ldi. Bu haqda Zamin.uz xabar berdi.

Ushbu shaxs Samarqand va Urgut tumanlarida yashovchi uch nafar fuqarodan har biri uchun 32 ming dollardan so‘ragan. Natijada jami 96 ming AQSH dollarini qo‘lga kiritishni rejalashtirgan.

Davlat xavfsizlik xizmati va Iqtisodiy jinoyatlarga qarshi kurashish departamenti hamkorligida o‘tkazilgan tezkor tadbirda kompaniya rahbari oldindan 15 ming dollarni qabul qilayotgan vaqtida ushlangan. Hozirda unga nisbatan Jinoyat kodeksining 25 hamda 168-moddasining to‘rtinchi qismi «a» bandi asosida jinoyat ishi qo‘zg‘atilgan.

Tergov ishlari davom etmoqda. Ushbu holat haqida batafsil ma’lumot one.uz sayti orqali e’lon qilingan.