Yo‘qolib ketayotgan 48 mingdan ortiq yangi tur ro‘yxatga olindi
Xalqaro tabiatni muhofaza qilish ittifoqi (IUCN) yangilangan Qizil kitobda yo‘qolib ketish xavfi ostidagi 48 646 ta yangi turlarni ro‘yxatga oldi. Bu haqda Zamin.uz xabar berdi.
Shu bilan birga, xavf ostidagi turlar soni jami 172 620 taga yetdi. Mutaxassislarning ta’kidlashicha, iqlim o‘zgarishi, dengiz muzlarining erishi hamda o‘rmonlarning kesilishi sababli ko‘plab jonivorlar, xususan Arktika tyulenlari va dunyodagi qushlarning yarmi yo‘qolish xavfi ostida turibdi.
Tyulenlar uchun dengiz muzliklari ularning bolalarini parvarish qilishda juda muhimdir, bu muzliklarning kamayishi oq ayiqlarga ham xavf tug‘diradi. So‘nggi ma’lumotlarga ko‘ra, dunyodagi qushlar populyatsiyasining 61 foizi kamaygan, bu ko‘rsatkich 2016-yilda 44 foiz edi.
Asosiy sabablar sifatida yashash muhiti buzilishi va o‘rmonlarning yo‘qolishi ko‘rsatilmoqda. Shunga qaramay, yashil dengiz toshbaqalarini asrash bo‘yicha olib borilgan dasturlar natijasida ularning soni so‘nggi o‘n yillikda 28 foizga oshdi.
Mutaxassislar tabiatni muhofaza qilish bo‘yicha global hamkorlikni yanada kuchaytirish zarurligini ta’kidlamoqda. Ma’lumot manbasi: CNN.
