O‘zbekiston gidrometeorologiya xizmati 13-oktyabr soat 20:00 dan 14-oktyabr soat 20:00 gacha bo‘lgan davr uchun mamlakat bo‘ylab ob-havo prognozini e’lon qildi. Bu haqda Zamin.uz xabar berdi.
Prognozga ko‘ra, ertaga respublikaning katta qismida ob-havo quyoshli va barqaror bo‘ladi. Ayrim hududlarda esa shamol kuchayishi va qisqa muddatli chang-to‘zonlar kuzatilishi mumkin.
Toshkent shahrida ob-havo biroz bulutli va o‘zgaruvchan bo‘ladi, yomg‘ir yog‘ishi kutilmaydi. Shamol sharqdan 3–8 metr soniyada tezlikda esadi.
Harorat kechasi 10–12 daraja, kunduzi 25–27 daraja atrofida bo‘ladi. Qoraqalpog‘iston Respublikasida havo biroz bulutli bo‘lib, kechasi yomg‘ir yog‘ishi kutilmaydi, ammo kunda ayrim joylarda qisqa muddatli yomg‘ir yog‘ishi ehtimoli mavjud.
Shamol sharqdan 7–12 metr soniyada esib, ba’zi joylarda 13–18 metr soniyagacha kuchayishi va chang-to‘zon paydo bo‘lishi mumkin. Harorat kechasi 9–14, kunduzi 22–27 daraja bo‘ladi.
Xorazm viloyatida havo biroz bulutli, yomg‘ir yog‘ishi kutilmaydi. Shamol sharqdan 7–12 metr soniyada esib, ayrim joylarda kuchayishi va chang ko‘tarilishi ehtimoldan holi emas.
Harorat kechasi 9–14, kunduzi 22–27 darajani tashkil etadi. Buxoro va Navoiy viloyatlarida havo biroz bulutli va o‘zgaruvchan bo‘ladi, yomg‘ir yog‘ishi ehtimoli yo‘q.
Shamol sharqdan 7–12 metr soniyada esib, ba’zi hududlarda 13–18 metr soniyagacha kuchayishi mumkin. Chang-to‘zonlar kuzatilishi ehtimoli mavjud.
Harorat kechasi 10–15, kunduzi 25–30 daraja atrofida bo‘ladi. Toshkent, Sirdaryo, Jizzax va Samarqand viloyatlarida havo biroz bulutli, ayrim joylarda o‘zgaruvchan bo‘ladi.
Yomg‘ir yog‘ishi kutilmaydi. Shamol sharqdan 7–12 metr soniyada esadi.
Harorat kechasi 8–13, kunduzi 23–28 daraja bo‘ladi. Qashqadaryo va Surxondaryo viloyatlarida ob-havo iliq va quyoshli bo‘ladi.
Shamol sharqdan 7–12 metr soniyada esadi. Harorat kechasi 11–16, kunduzi 29–34 darajagacha ko‘tariladi.
Andijon, Namangan va Farg‘ona viloyatlarida havo biroz bulutli, ayrim joylarda o‘zgaruvchan bo‘ladi. Yomg‘ir yog‘ishi ehtimoli yo‘q.
Shamol sharqdan 5–10 metr soniyada esadi. Harorat kechasi 8–13, kunduzi 23–28 daraja atrofida bo‘ladi.
Respublika tog‘li hududlarida havo biroz bulutli, ayrim joylarda o‘zgaruvchan bo‘ladi, yomg‘ir yog‘ishi kutilmaydi. Shamol sharqdan 7–12 metr soniyada esadi.
Harorat kechasi 5–10, kunduzi 18–23 daraja bo‘ladi. Manba: O‘zbekiston gidrometeorologiya xizmati.
