Jizzaxda 2,1 GVtli atom elektr stansiyasi quriladi
O‘zatoma agentligi rahbari Azim Ahmedxojayevning so‘zlariga ko‘ra, kelajakda Jizzax, Samarqand va Navoiy viloyatlarini elektr energiyasi bilan ta’minlaydigan atom elektr stansiyasi qurilishi rejalashtirilmoqda. Bu haqda Zamin.uz xabar berdi.
Bu haqda u O‘zbekiston 24 telekanaliga bergan intervyusida ma’lum qildi. Ushbu stansiyaning ishga tushirilishi hududlarda sanoat va qishloq xo‘jaligi sohalarining rivojlanishiga katta imkoniyat yaratadi.
Bundan tashqari, gazga bo‘lgan bog‘liqlik kamayadi va “yashil energetika”dagi mavsumiy o‘zgarishlar ta’siri pasayadi. Jizzaxda qurilayotgan atom elektr stansiyasining umumiy quvvati 2,1 gigavattni tashkil etadi.
Stansiya kichik va katta quvvatli reaktorlardan iborat bo‘ladi. Oktyabr oyida kichik quvvatli atom elektr stansiyasi uchun yer tayyorlash ishlari boshlangan.
Ushbu loyiha hududdagi energetika sohasini mustahkamlash va barqaror energiya ta’minotini ta’minlashga xizmat qiladi. Manba: Kursiv.media.
