Toshkentda Rossiya va Ukraina hisoblagichlari taqiqlandi
Toshkentdagi “O‘rikzor” bozorida o‘tkazilgan tekshiruvda Rossiyada ishlab chiqarilgan “Eko nom” hamda Ukrainada ishlab chiqarilgan “Novator” rusumli suv hisoblagichlari aniqlangan. Bu haqda Zamin.uz xabar berdi.
Texnik nazorat inspeksiyasi tomonidan olib borilgan tahlillar ushbu hisoblagichlarning amaldagi standartlarga javob bermasligini ko‘rsatdi. Bu hisoblagichlardan foydalanish natijasida suv sarfi noto‘g‘ri qayd etilishi, statistik ma’lumotlarda xatoliklar yuzaga kelishi, resurslarni rejalashtirishda muammolar paydo bo‘lishi va suvdan ortiqcha foydalanish holatlari kelib chiqishi mumkin.
Shu sababli, Rossiya va Ukrainada ishlab chiqarilgan ushbu rusumdagi suv hisoblagichlarini sotish hamda foydalanish rasmiy ravishda taqiqlangan. Bu qaror suv iste’moli va hisob-kitoblarni aniq va ishonchli qilish maqsadida qabul qilingan (manba: zamin.uz).
