Qamchiq dovonida zamonaviy sayyohlik loyihasi boshlanadi

Namangan viloyatidagi Qamchiq dovonida keng ko‘lamli sayyohlik loyihasi amalga oshiriladi. Bu haqda Zamin.uz xabar berdi.

Ushbu loyiha doirasida zamonaviy dor yo‘li, ya’ni kabel yo‘li hamda dam olish maskani barpo etilishi rejalashtirilgan. Loyiha Avstriyaning mashhur Doppelmayr/Garaventa kompaniyasi tomonidan ishlab chiqilgan bo‘lib, umumiy maydoni 90 gektarni tashkil etadi.

Qurilish ishlari “Aisha Group” kompaniyasi rahbari Jobirxon Kamalitdinov tomonidan moliyalashtiriladi. Ishlar 2025-yil iyul oyida boshlanishi ko‘zda tutilgan.

Shuningdek, Norin daryosi bo‘yida yangi turistik hudud tashkil etilishi rejalashtirilgan. Bu hududda sport inshootlari, suzish havzalari, dam olish joylari va kemping zonalari quriladi.

Loyiha maqsadi hududning sayyohlik salohiyatini oshirish hamda ichki va tashqi turizmni rivojlantirishdan iborat. Manba: zamin.uz