Qamchiq dovonida zamonaviy kanatli yo‘l quriladi
Namangan viloyatining Qamchiq dovoni hududida zamonaviy kanatli yo‘l va dam olish majmuasi barpo etiladi. Bu haqda Zamin.uz xabar berdi.
Ushbu loyiha 90 gektar maydonni qamrab oladi va qurilish ishlari Doppelmayr/Garaventa Group kompaniyasi tomonidan amalga oshiriladi. 13-oktyabr kuni Namangan viloyati hokimi Shavkatjon Abdurazzoqov mazkur kompaniya vakillari bilan uchrashib, loyiha doirasida qurilishi rejalashtirilgan obyektlar va hamkorlik yo‘nalishlarini muhokama qildi.
Loyihani Namanganlik tadbirkor Jobirxon Kamalitdinov rahbarligidagi Aisha Group kompaniyasi moliyalashtirmoqda. Doppelmayr/Garaventa Group Avstriya va Shveysariyada joylashgan bo‘lib, kanatli yo‘llar, gondolalar, liftlar hamda tashish tizimlarini ishlab chiqaruvchi yirik kompaniyalar guruhidir.
Ularning 96 mamlakatda 15 mingdan ortiq loyihasi amalga oshirilgan. Ushbu ma’lumot Kursiv media saytida e’lon qilingan.
