Toshkentda issiq suv rangining o‘zgarishi sabablari aniqlandi
Toshkent shahrining ayrim hududlarida issiq suvning rangi o‘zgargani, ya’ni zang tusida chiqayotgani haqida aholi shikoyat qilmoqda. Bu haqda Zamin.uz xabar berdi.
Bu haqida “Veolia Energy Tashkent” kompaniyasi ma’lumot berdi. Mutaxassislarning aytishicha, bunday holat vaqtinchalik bo‘lib, isitish mavsumi boshlanishidan oldin quvurlarda olib borilayotgan sinov ishlari bilan bog‘liqdir.
Quvurlar ichidagi to‘siqlarni bartaraf etish jarayonida suv qisqa muddatga jigarrang rangga kirishi mumkin. Tekshiruv natijasida ayrim uylarda suv oqimi qaytish quvuri orqali kirayotgani aniqlangan bo‘lib, bu haroratning pasayishi va temir zarralarining suvga aralashishiga olib kelgan.
Hozirda kompaniya boshqaruvchi tashkilotlar bilan hamkorlikda quvurlarni tozalash va texnik suvni chiqarish ishlarini amalga oshirmoqda. Shuningdek, “Veolia Energy Tashkent” iste’molchilarga murojaat qilib, agar suv sifati tashqi sabablar tufayli yomonlashgan bo‘lsa, to‘lovlar qayta hisoblanishini ma’lum qildi.
Mutaxassislar ta’kidlaganidek, bu holat texnik jarayon bo‘lib, yaqin vaqt ichida suv sifati me’yoriy ko‘rsatkichlarga qaytadi. Manba: veolia.uz.
