O‘zbekiston qog‘oz importi 49 ming tonnaga oshdi
2025 yilning yanvar-oktyabr oylari davomida O‘zbekiston 252,7 ming tonna qog‘oz va karton import qilgan. Bu haqda Zamin.uz xabar berdi.
Bu haqda Davlat statistika qo‘mitasi ma’lumot berdi. Hisobotga ko‘ra, o‘tgan yilga nisbatan bu ko‘rsatkich 49 ming tonnaga oshgan.
Import qilingan mahsulotlarning umumiy qiymati qariyb 330 million AQSh dollarini tashkil etadi. Qog‘oz va karton asosan 66 davlatdan import qilingan bo‘lib, yetakchi yetkazib beruvchilar Rossiya (112,2 ming tonna) va Xitoy (91,9 ming tonna) bo‘ldi.
Shuningdek, Germaniya (10,1 ming tonna) va Belarus (8 ming tonna) ham beshlikdan joy olgan. Bundan tashqari, Finlandiyadan ham sezilarli miqdorda qog‘oz va karton olib kelingan.
Mazkur ko‘rsatkichlar mamlakatning qog‘oz va karton mahsulotlariga bo‘lgan ehtiyoji oshib borayotganini ko‘rsatadi. Import hajmining ortishi ushbu sohadagi talabni qoplash maqsadida amalga oshirilganini anglatadi.
Manba: Davlat statistika qo‘mitasi.
