4–5 dekabrda yomg‘ir havo sifatini yaxshilaydi
O‘zgidromet xizmati ma’lumotiga ko‘ra, Toshkentda 4–5 dekabr kunlari uzoq kutilgan yog‘ingarchilik kuzatiladi. Bu haqda Zamin.uz xabar berdi.
Ushbu kunlarda yengil yomg‘ir yog‘ib, shahar havosida to‘plangan changning tarqalishiga yordam beradi. Bu esa havo sifatini yaxshilashga xizmat qilishi mumkin.
1–3 dekabr kunlari butun respublika bo‘ylab quruq va barqaror ob-havo kuzatiladi. Ushbu kunlarda harorat asta-sekin ko‘tarilib, 3 dekabrda kunduzgi harorat 12–15 darajagacha yetishi kutilmoqda.
4–5 dekabr kunlariga kelib, mamlakat hududiga nam va sovuq havo oqimi kirib keladi. Bu kunlarda, shimoliy hududlardan tashqari, deyarli barcha viloyatlarda yomg‘ir yog‘ishi prognoz qilinmoqda.
Tog‘li hududlarda esa yomg‘ir-qor aralash yog‘ishi ehtimoli mavjud. Kunduzgi harorat 6–11 darajagacha pasayadi.
1–5 dekabr oralig‘ida tungi harorat -3…-2 daraja atrofida bo‘lishi kutilmoqda. Ayrim hududlarda tuman tushishi ehtimoli bor, shamol esa sharq yo‘nalishida yengil yoki o‘rtacha tezlikda esishi mumkin.
Manba: O‘zgidromet.
