O‘zbekistonda 9–10-dekabr kunlari sovuq kutilmoqda
O‘zbekistonda 9–10-dekabr kunlari sovuq ob-havo kuzatilishi kutilmoqda. Bu haqda Zamin.uz xabar berdi.
Tog‘oldi va tog‘li hududlarda yomg‘ir va qor yog‘ishi, ba’zi joylarda kuchli yog‘ingarchilik va tuman kuzatilishi mumkin. Toshkent va Namangan viloyatlarining tog‘li hududlarida qor ko‘chishi xavfi mavjud.
Shimoliy va cho‘l hududlarda shamol tezligi 15–18 m/s gacha kuchayib, ayrim joylarda 20–22 m/s gacha yetishi mumkin. Markaziy hududlarda kechasi harorat 2–5 daraja sovuq, kunduzi esa 3–6 daraja iliq bo‘lishi kutilmoqda.
Shimoliy hududlarda kechasi 7–10 daraja sovuq, kunduzi esa 0–3 daraja sovuq bo‘ladi. Toshkentda havo o‘zgaruvchan bulutli bo‘lib, yomg‘ir yog‘adi.
Shamol tezligi 3–8 m/s bo‘lib, kechasi harorat 1–3 daraja iliq, kunduzi esa 5–7 daraja iliq bo‘lishi kutilmoqda. Qoraqalpog‘iston va Xorazm viloyatlarida havo o‘zgaruvchan bulutli bo‘lib, yomg‘ir va qor yog‘ishi, tuman tushishi mumkin.
Shamol tezligi 7–12 m/s bo‘ladi. Kechasi harorat −5–10 daraja sovuq, kunduzi 0–5 daraja iliq bo‘ladi.
Buxoro va Navoiy viloyatlarida ba’zi joylarda yomg‘ir yog‘adi. Shamol tezligi 7–12 m/s bo‘lib, kechasi harorat −2–3 daraja sovuq, kunduzi esa 7–12 daraja iliq bo‘lishi kutilmoqda.
Toshkent, Samarqand, Jizzax va Sirdaryo viloyatlarida ba’zi joylarda yomg‘ir yog‘adi. Shamol tezligi 7–12 m/s, kechasi harorat −2–3 daraja sovuq, kunduzi 3–8 daraja iliq bo‘ladi.
Qashqadaryo va Surxondaryo viloyatlarida ba’zi joylarda yomg‘ir yog‘ishi mumkin. Shamol tezligi 7–12 m/s bo‘lib, kechasi harorat 2–7 daraja iliq, kunduzi esa 12–17 daraja iliq bo‘ladi.
Andijon, Namangan va Farg‘ona viloyatlarida havo o‘zgaruvchan bulutli bo‘lib, ba’zi joylarda yomg‘ir yog‘adi. Shamol tezligi 7–12 m/s, kechasi harorat −2–3 daraja sovuq, kunduzi esa 3–8 daraja iliq bo‘lishi kutilmoqda.
Tog‘li hududlarda yomg‘ir va qor yog‘ishi, ba’zan kuchli yog‘ingarchilik va tuman kuzatilishi mumkin. Bu hududlarda shamol tezligi 7–12 m/s bo‘lib, kecha va kunduz harorati −4–1 daraja sovuq bo‘ladi.
Ma’lumot manbasi: Zamin.uz.
