O‘zbekiston tibbiyot sohasining yetakchi vakillaridan biri, taniqli pulmonolog olim, O‘zbekiston Fanlar akademiyasi a’zosi Abdullla Muharramovich Ubaydullayev 91 yoshida vafot etdi. Bu haqda Zamin.uz xabar berdi.
Bu haqda uning yaqinlari va ilmiy doiradagi hamkasblari xabar berdi. Abdullla Ubaydullayev nafaqat O‘zbekiston tibbiyotining rivojlanishiga, balki butun Markaziy Osiyo hududida pulmonologiya yo‘nalishining shakllanishiga katta hissa qo‘shgan olim sifatida tan olingan.
U o‘zining umrini ilm-fan va amaliy tibbiyotga bag‘ishlab, minglab shifokorlarning yetuk malakali mutaxassis bo‘lib yetishishiga hissa qo‘shdi. Nafas yo‘llari kasalliklarini davolash bo‘yicha olib borgan ilmiy izlanishlari va amaliy ishlanmalari bugungi kunda ham tibbiyot sohasida muvaffaqiyatli qo‘llanmoqda.
Olim uzoq yillar davomida fidokorona mehnat qilib, “O‘zbekiston Respublikasida xizmat ko‘rsatgan tibbiyot xodimi” faxriy unvoniga sazovor bo‘lgan. Uning ilmiy ishlari va amaliy tajribasi nafaqat mamlakatimizda, balki xalqaro miqyosda ham e’tirof etilgan.
Abdullla Ubaydullayevning ilmiy merosi va tibbiyot sohasidagi faoliyati yurtimizda hamon qadrlanmoqda.
