Saida Mirziyoyeva Rim Papasi bilan uchrashuv o‘tkazdi

2025-yilning 12-dekabr kuni Shayx Zoid nomidagi "Insoniy birodarlik" xalqaro mukofoti hakamlar hay’ati yig‘ilishi doirasida O‘zbekiston Respublikasi Prezidenti Administratsiyasi rahbari Saida Mirziyoyeva Rim Papasi Lev XIV bilan uchrashuv o‘tkazdi. Bu haqda Zamin.uz xabar berdi.

Mazkur uchrashuv chog‘ida tomonlar insoniy birodarlik va madaniyatlararo anglashuvni rivojlantirish masalalarini muhokama qilishdi. Ular xalqaro miqyosda o‘zaro hurmat va ishonchga asoslangan yondashuvlarni ilgari surishning ahamiyatini alohida ta’kidladilar.

Shuningdek, uchrashuvda O‘zbekistonda turli diniy konfessiyalar, jumladan, katoliklar tinchlik va totuvlik muhitida yashayotgani qayd etildi. Ushbu mukofotning asosiy maqsadi ham aynan shu qadriyatlarni global miqyosda mustahkamlashdan iborat ekani ta’kidlandi.

Suhbat davomida insonparvarlik va birodarlik tamoyillarini butun dunyoda keng targ‘ib qilish, ishonchni mustahkamlash va ushbu yo‘nalishlarda hamkorlikni rivojlantirishga tayyorlik bildirildi. Manba: One.uz.