Xalqaro olimpiada g‘oliblariga 1 milliard so‘m mukofot
2025 yil avgust oyidan boshlab, xalqaro fan olimpiadalarida oltin medalni qo‘lga kiritgan o‘quvchilarga 1 milliard so‘mdan ortiq mukofot puli berilishi rejalashtirilgan. Bu haqda Zamin.uz xabar berdi.
Ushbu qaror fan olimpiadalari g‘oliblarini rag‘batlantirish tizimini kuchaytirish va o‘quvchilarning fanga bo‘lgan qiziqishini oshirish maqsadida qabul qilindi. Joriy yilda O‘zbekiston terma jamoasi xalqaro fan olimpiadalarida yuqori natijalarga erishdi.
Xususan, xalqaro kimyo olimpiadasida ikki nafar o‘quvchi oltin medalni qo‘lga kiritdi. Shuningdek, xalqaro informatika olimpiadasida ilk bor kumush medalga ega bo‘lindi.
Bunday yutuqlar mamlakatimiz yoshlarining ilm-fanga bo‘lgan intilishlarini namoyon etadi. Yangi rag‘batlantirish tizimiga muvofiq, oltin medalni qo‘lga kiritgan har bir o‘quvchiga 1 milliard 30 million so‘m mukofot puli beriladi.
Bundan tashqari, ushbu muvaffaqiyatga hissa qo‘shgan o‘qituvchilar uchun ham 185 million 400 ming so‘m miqdorida mukofot puli ajratiladi. Maktabgacha va maktab ta’limi vazirligi axborot xizmati bu borada maxsus lavha tayyorladi.
Unda olimpiada g‘oliblarining ota-onalari va ustozlarining fikrlari ham o‘z ifodasini topgan. Ushbu tashabbus yoshlarning ilm-fanga qiziqishini oshirish va ularni yangi yutuqlarga ilhomlantirishga qaratilgan.
