O‘zMU kimyo va biologiya yo‘nalishlari xalqaro akkreditatsiyadan o‘tdi
O‘zbekiston Milliy pedagogika universitetining Kimyo va biologiya bakalavriat yo‘nalishlari hamda shu fanlar bo‘yicha magistratura mutaxassisliklari Germaniyaning nufuzli ASIIN xalqaro akkreditatsiya agentligi tomonidan muvaffaqiyatli akkreditatsiyadan o‘tkazildi. Bu haqda Zamin.uz xabar berdi.
Universitet bergan ma’lumotlarga ko‘ra, bu jarayon 2023-yil 16-yanvar kuni rasmiylashtirilgan. Mazkur yo‘nalishlar O‘zbekistonda birinchi marta ASIIN akkreditatsiyasini qo‘lga kiritgan ta’lim dasturlari hisoblanadi.
Ushbu yutuq universitetdagi ta’lim sifati, o‘quv jarayonining samaradorligi, professor-o‘qituvchilar malakasi va ilmiy faoliyat xalqaro standartlarga mos ekanligini tasdiqlaydi. Ta’kidlash joizki, akkreditatsiya sertifikatlari 2030-yil 30-sentabrgacha amal qiladi.
Bu esa kimyo va biologiya yo‘nalishlari bitiruvchilarining diplomlari Yevropa hamda boshqa rivojlangan davlatlarda rasman tan olinishi uchun muhim imkoniyat yaratadi. Shuningdek, ushbu yo‘nalishlar bo‘yicha ta’lim olgan bitiruvchilar xorijiy davlatlarda o‘qishni davom ettirishi, ilmiy tadqiqotlar olib borishi va xalqaro mehnat bozorida faoliyat yuritishi uchun keng imkoniyatlarga ega bo‘ladi.
Manba: one.uz
