FlyArystan Atyrau va Toshkentga to‘g‘ridan reyslar ochdi
Qozog‘istonning FlyArystan aviakompaniyasi 15 iyuldan boshlab Atyrau va Toshkent shaharlarini bog‘laydigan to‘g‘ridan to‘g‘ri xalqaro reyslarni yo‘lga qo‘yadi. Bu haqida Zamin.uz xabar berdi.
Ushbu parvozlar haqida Kursiv.media xabar berdi. Parvozlar tadbirkorlar, talabalar va sayyohlar orasida katta qiziqish uyg‘otgani sababli tashkil etilmoqda.
Aviakompaniya bayonotida Toshkent shahri madaniy merosi, tarixiy me’morchiligi, bog‘lari va dam olish joylari bilan sayyohlarni o‘ziga jalb etishi, shuningdek, oilaviy sayohatlar uchun qulayligi ta’kidlangan. Yo‘nalishdagi parvozlar Airbus A320 samolyotida amalga oshiriladi.
Iyul va avgust oylarida parvozlar seshanba, payshanba hamda yakshanba kunlari bo‘lib o‘tadi. Sentyabr va oktyabr oylarida esa dushanba, chorshanba va juma kunlari parvozlar rejalashtirilgan.
Bundan tashqari, FlyArystan Atyrau va Toshkent o‘rtasida Astana shahri orqali bog‘lanma reyslarni ham taklif etadi. Bu yangi reyslar ikki shahar o‘rtasidagi aloqalarni mustahkamlashga xizmat qiladi va yo‘lovchilarga qulaylik yaratadi.
