CitiBank O‘zbekistonda vakillik ochishni rasmiylashtirdi
CitiBank AS kompaniyasi O‘zbekistonda o‘z vakilligini rasmiy ro‘yxatdan o‘tkazdi. Bu haqida Zamin.uz xabar berdi.
Bu haqda Kursiv.uz xabar berdi. O‘zbekiston Markaziy banki CitiBank AS vakilligini respublika hududida akkreditatsiya qildi.
Vakillik respublika moliya bozorini o‘rganish, davlat idoralari hamda moliyaviy tashkilotlar bilan hamkorlikni rivojlantirish bilan shug‘ullanadi. Filialdan farqli o‘laroq, vakillik yuridik va jismoniy shaxslarga bank xizmatlari ko‘rsatmaydi.
2025 yil 25 iyun kuni Citigroup delegatsiyasi O‘zbekiston Investitsiyalar, sanoat va savdo vazirligi rahbariyati bilan uchrashuv o‘tkazdi. Uchrashuvda tomonlar investitsiyalarni jalb qilish, eksportchilarni qo‘llab-quvvatlash hamda davlat-xususiy sheriklik loyihalarini rivojlantirish masalalarini muhokama qildilar.
Shu kuni Toshkentda CitiBank vakilligini tez orada ochilishi rejalashtirilayotgani e’lon qilindi. Vakillikni ochish bo‘yicha dastlabki kelishuvlar 2023 yilda O‘zbekiston Prezidenti Shavkat Mirziyoyev va Citigroup bosh direktori Jon Dugan o‘rtasidagi uchrashuvda erishilgan edi.
CitiBank vakilligi mamlakatdagi moliyaviy hamkorlik va investitsiyalarni rivojlantirishda muhim rol o‘ynashi kutilmoqda.
