Angliyalik hujumchi Garri Keyn Myunxenning “Bavariya” klubining Germaniya Superkubogi uchun o‘tkazilgan uchrashuvdagi g‘alabasi haqida fikr bildirdi. Bu haqida Euro-football.ru xabar berdi.
Vensan Kompani boshchiligidagi jamoa mehmon maydonda “Shtutgart”ni 2:1 hisobida mag‘lub etdi. Birinchi golni aynan Keyn kiritdi.
Futbolchi o‘z bayonotida mavsumni aynan shunday yaxshi kayfiyat va finaldagi g‘alaba bilan boshlashni istashganini ta’kidladi. Yozgi tanaffus qisqa bo‘lgan bo‘lsa-da, jamoa yaxshi tayyorgarlik ko‘rgan.
U o‘yinni yoqimli deb baholadi, biroq raqib darvozasiga yana bir-ikki gol urishni xohlardi. Eslatib o‘tish joiz, “Bavariyaga” o‘tishdan avval Keyn “Tottenxem” va Angliya terma jamoasi bilan ko‘plab turnirlarning finalida ishtirok etgan, ammo hech qanday sovrin qo‘lga kirita olmagan.
Bundesliga-2023/2024 mavsumida esa “Bavariya” 11 yil ichida birinchi marta chempionlikni qo‘ldan boy berdi. O‘tgan mavsumda esa Keyn nihoyat Germaniya chempioni bo‘ldi va hozir esa Superkubokni qo‘lda tutmoqda.
