Chap himoyachi Xofre Torrents «Barselona» yoshlar akademiyasining darajasi yuqori ekanligini o‘zining debyut o‘yini ortidan ta’kidladi. Bu haqida Euro-football.ru xabar berdi.
U 18 yoshda bo‘lib, La Liga birinchi turida «Malyorka»ga qarshi o‘yinda maydonga tushdi. U 68-daqiqada Alehandro Baldening o‘rniga maydonga kirdi.
Torrentsning so‘zlariga ko‘ra, «La Masiya» akademiyasi yuqori darajada faoliyat yuritadi va bu yerda Yamal, Gavi kabi iste’dodli futbolchilar yetishib chiqmoqda. Klub akademiyasida ko‘p mehnat qilinib, imkon qadar ko‘proq o‘quvchi asosiy jamoaga qo‘shilishi uchun sharoit yaratiladi.
Ushbu o‘yinda «Malyorka» darvozasiga gollarni Rafinya, Ferran Torres va Lamin Yamal kiritdi. Shuningdek, birinchi bo‘lim yakuniga yetmasdan oldin «ko‘k-binafsha» jamoaning raqiblari ikki futbolchisi kam bo‘lib qolgan edi.
Torrentsning fikricha, akademiya jamoa kelajagi uchun muhim poydevor hisoblanadi va yosh futbolchilarga katta e’tibor qaratilmoqda.
