Inter klubi Ademola Lukmanni sotib olmadi
“Atalanta” jamoasining hujumchisi Ademola Lukman “Inter” klubiga o‘tmaydi. Bu haqida Euro-football.ru xabar berdi.
Klublar o‘rtasidagi muzokaralar ikki hafta oldin to‘xtab qoldi va hozirgacha vaziyat o‘zgarmadi. Mashhur futbol insayderi Fabrizio Romano xabariga ko‘ra, yaqin kunlarda Milan jamoasi vakillari Nigeriyalik futbolchining agenti bilan bog‘lanib, transfer amalga oshmasligini rasmiy ravishda bildiradi.
Hujumchi bilan og‘zaki kelishuvga erishilgan bo‘lsa-da, “Atalanta” klubi bitimni ma’qullamadi. Transfermarkt portali Ademola Lukmanning bozor qiymatini 60 million yevroga baholamoqda.
Futbolchining “Atalanta” bilan amaldagi shartnomasi 2027-yil yozigacha amal qiladi. Shunday qilib, “Inter” jamoasi ushbu futbolchini o‘z safiga qo‘sholmaydi.
Bu qaror jamoalar o‘rtasidagi kelishmovchilik tufayli qabul qilindi.
