Mbappe Donnarummaning og‘ir ahvolidan afsusda
Madridning “Real” jamoasida to‘p suruvchi yulduz hujumchi Kilian Mbappe “PSJ” jamoasida faoliyat yuritayotgan italyan darvozaboni Janluigi Donnarummaning hozirgi vaziyati haqida fikr bildirdi. Bu haqida Euro-football.ru xabar berdi.
Mbappe fransuz matbuotiga bergan intervyusida Donnarummaga nisbatan hamdardlik bildirib, uning uchun og‘ir davrlar boshlanganini ta’kidladi. Oldinroq ommaviy axborot vositalarida Donnarumma “PSJ”dan ketishga yaqin ekani haqida xabarlar tarqalgan edi.
Aynan “Manchester Siti” klubi uni o‘z safiga qo‘shib olishni istayotgani ma’lum bo‘ldi. O‘tgan mavsumda darvozabon 47 ta o‘yinda maydonga tushdi va shulardan 17 tasida o‘z darvozasini daxlsiz saqlashga muvaffaq bo‘ldi.
Uning “PSJ” bilan amaldagi shartnomasi kelasi yil yozda yakunlanadi. Shunday qilib, Donnarummaning kelajagi hozircha noaniq bo‘lib qolmoqda.
