Abbosbek Fayzullaev uchun CSKA 7,5 million yevro oldi
O‘zbekistonlik qanot hujumchisi Abbosbek Fayzullaev Moskva jamoasi CSKA’dan Turkiyaning Istanbul Boshakshehir klubiga o‘tdi. Bu haqida Euro-football.ru xabar berdi.
Ma’lum bo‘lishicha, Rossiya klubi Fayzullaevning transferi uchun to‘lovni olgan. Turkiyaliklar shartnomaning katta qismini to‘lab, CSKA esa transfer sertifikatini yangi jamoaga yuborgan.
Endi Istanbul Boshakshehir klubida futbolchi yangi mavsum uchun rasmiy ro‘yxatga olinishi mumkin. Abbosbek Fayzullaev 2023 yildan 2025 yilgacha CSKA safida o‘ynadi.
Ushbu davr mobaynida 21 yoshli futbolchi 72 o‘yinda maydonga tushib, 8 ta gol urdi va 22 ta golga uzatma berdi. Tarqatilgan ma’lumotlarga ko‘ra, CSKA futbolchini sotishdan 7,5 million yevro daromad oldi.
2023 yilda esa klub uni 500 ming yevroga sotib olgan edi. Ushbu transfer futbolchining faoliyatida yangi bosqichni boshlashga imkon yaratdi va Istanbul Boshakshehir jamoasining hujum chizig‘ini kuchaytiradi.
