Gvardiola Manchester Sitining taktikasini tahlil qildi

«Manchester Siti» bosh murabbiyi Xosep Gvardiola jamoasining o‘yini haqida fikr bildirdi. Bu haqida Euro-football.ru xabar berdi.

So‘nggi turda «shaharliklar» o‘z maydonida «Tottenhem»ga 0:2 hisobida mag‘lub bo‘ldi. Bu mag‘lubiyatdan so‘ng Gvardiolaga o‘tgan mavsumdagi, jumladan taktika bilan bog‘liq muammolar eslatila boshlandi.

Murabbiy o‘z fikrida shunday dedi: «Jamoam to‘pni nazorat qilganda va uzatma bilan o‘yin qurishni yoqtiraman. Biroq ba’zan tezkor hujum qilish zarur bo‘ladi.

Biz doim shunday qilganmiz. Leroy Sane va Rahim Sterling to‘pni qaytarib olganda, mashina kabi oldinga yugurishardi.

Biz hujumdagi o‘yinimizni raqibning himoyasiga qarab o‘zgartirishimiz kerak. Shunday qilib javob qaytarmog‘imiz lozim.

Ana shunday yondashuv bilan o‘tgan o‘n yilda 18 ta sovrin qo‘lga kiritdik». Yakshanba kuni «Manchester Siti» «Brayton»ga qarshi safarda o‘yin o‘tkazadi.

Uchrashuv Moskva vaqti bilan soat 16:00 da boshlanadi.