Xabi Alonso Vinisius va Rodrigoni maqtadi

Madridning “Real” jamoasi bosh murabbiyi Xabi Alonso La Liga turnirining uchinchi turida “Mallorka”ga qarshi o‘yinda (2:1) Vinisius Junior va Rodrigo faoliyatini baholadi. Bu haqida Euro-football.ru xabar berdi.

Vinisius asosiy tarkibda maydonga tushdi va 38-daqiqada g‘alaba golini kiritdi. Rodrigo esa 72-daqiqada maydonga chiqib, o‘z vatandoshining o‘rnini egalladi.

Alonso fikricha, Vinisius bugungi o‘yinda “Osasuna”ga qarshi o‘yindan ko‘ra yaxshiroq harakat qildi va uning golini juda muhim deb baholadi. Rodrigo ham zaxiradan tushgach yaxshi o‘yin ko‘rsatdi.

Murabbiy har bir futbolchidan har qanday vaqtda jamoaga o‘z hissasini qo‘shishga tayyor bo‘lishini talab qilmoqda. “Real” hozirga qadar uch turdan so‘ng to‘qqiz ochko jamg‘argan.

Navbatdagi o‘yinda ular 13 sentyabr kuni “Real Sosyedad” maydoniga safar qilishadi.