Ederson «Manchester Siti»dan «Fenerbaxche»ga o‘tadi

«Manchester Siti» jamoasining darvozaboni Ederson «Fenerbaxche» klubiga o‘tishga yaqin turibdi. Bu haqida Euro-football.ru xabar berdi.

Turkiya klubi 32 yoshli braziliyalik futbolchi uchun 13 million yevro va qo‘shimcha 2 million yevro bonus taklif qilgan. Bu shartlar «Manchester Siti» jamoasini qoniqtirgan, deya xabar beradi jurnalist Oratsio Akkomando.

Dushanba kuni tomonlar so‘nggi tafsilotlarni kelishib olib, shundan so‘ng transfer rasmiylashtiriladi. Ederson «Fenerbaxche» bilan uch yillik shartnoma imzolaydi va yiliga 8 million yevro maosh oladi, deya ma’lum qilingan.

Darvozabon ertaga Turkiyaga jo‘nab ketadi. Ederson sotilgach, «Manchester Siti» oldindan rejalashtirilganidek, «PSJ» klubidan Janluidji Donnarummani sotib olish jarayonini yakunlaydi.

Bu transfer jamoaning darvozabon muammosini hal qilishga qaratilgan muhim qadam hisoblanadi.