Barcelona jamoasining bosh murabbiyi Hans-Diter Flik Rayo Valyekano bilan o‘tkazilgan o‘yindagi muvaffaqiyatsizlik sabablari haqida gapirdi. Bu haqida Euro-football.ru xabar berdi.
Uchrashuv 1:1 hisobida yakunlandi. Birinchi bo‘lim oxirida Lamin Jamal penalti aniq ijro etib, kataloniyaliklarni oldinga chiqardi.
Ikkinchi bo‘limda, 67-daqiqada, mezbonlar hisobni tenglashtirdi. Flikning so‘zlariga ko‘ra, Joan Garsiya, Erik Garsiya va Kristensen yaxshi o‘yin ko‘rsatishdi.
Asosiy muammo hujum va yarim himoyada yuzaga kelgan. Jamoa ko‘p xatolar qildi, o‘yinda odatdagi keskinlik va ustunlik sezilmadi.
Ko‘p to‘p yo‘qotishlar mavjudligi ustida ishlash zarur. Barcelona jamoasida faqat jamoaviylik bor, egolikka joy yo‘q.
O‘tgan mavsumda jamoa bir butun edi, hozir ham shunday bo‘lishi kerak. Xalqaro tanaffusdan foydalanib, muammolarni hal qilishga harakat qilamiz, dedi murabbiy.
Hozirda Barcelona uch turdan so‘ng 7 ochko bilan turnir jadvalida to‘rtinchi o‘rinda turibdi.
