De Yong: Barselona o‘yinda aniqlik yetishmadi
«Barselona» jamoasining yarim himoyachisi Frenki de Yong «Rayo Valyekano»ga qarshi o‘yinda (1:1) jamoaning ochko yo‘qotishi haqida fikr bildirdi. Bu haqida Euro-football.ru xabar berdi.
Hans-Diter Flik boshchiligidagi jamoa 40-daqiqada hisobda oldinga chiqdi, ammo 67-daqiqada gol o‘tkazib yuborib, ustunlikni saqlab qololmadi. Bu kataloniyaliklar uchun La Liga musobaqasidagi birinchi ochko yo‘qotish bo‘ldi.
De Yongning so‘zlariga ko‘ra, jamoa nazorat yetishmasligi va uzatmalardagi aniqlikning pastligi sabab natija kutilgan darajada bo‘lmadi. Maydon sharoiti ideal bo‘lmagan bo‘lsa-da, bu asosiy muammo emas edi.
Ular uch turdan so‘ng yetti ochko jamg‘argan bo‘lsa-da, barcha o‘yinlarda g‘alaba qozonishni maqsad qilgan. Xalqaro tanaffusdan keyin haftasiga ikki o‘yin o‘tkazish rejalashtirilgan, bu esa jamoaga kerakli ritmni saqlashda yordam beradi, deb hisoblaydi.
Keyingi o‘yin 14 sentyabrda «Valensiya»ga qarshi bo‘lib o‘tadi.
