Tyukavin «Dinamo» safida Spartakga qarshi o‘ynashi mumkin
Moskva «Dinamo» jamoasining hujumchisi Konstantin Tyukavin Rossiya chempionatining sakkizinchi turida «Spartak»ga qarshi o‘ynaladigan uchrashuvda maydonga chiqishi mumkin. Bu haqida Euro-football.ru xabar berdi.
Metaratings.ru sayti xabariga ko‘ra, hujumchining qachon maydonga qaytishi yaqin haftalarda aniq bo‘ladi. Konstantin uzoq vaqt tizzaning xoch bog‘lamlaridagi jarohat tufayli shifoxonada davolangan.
U so‘nggi bor 2 mart kuni «Rostov»ga qarshi o‘yinda maydonga tushgan edi. «Dinamo» va «Spartak» jamoalari o‘rtasidagi derbi 13 sentabr kuni bo‘lib o‘tadi.
Hozirda Valeriy Karpinning jamoasi turnir jadvalida to‘qqizinchi o‘rinda, Dejan Stankovich boshchiligidagi «Spartak» esa oltinchi pog‘onada joylashgan. Ushbu o‘yin katta qiziqish bilan kutilyapti.
