Donnarumma Manchester Sitiga 39 millionga o‘tdi

Yulduzli italyan darvozaboni Janluigi Donnarumma «PSJ» klubini tark etmoqda. Bu haqida Euro-football.ru xabar berdi.

Mashhur manba Fabrizio Romano ma’lumotlariga ko‘ra, darvozabon o‘z faoliyatini «Manchester Siti» jamoasida davom ettiradi. Manbaning xabariga ko‘ra, ushbu transfer uchun 39 million yevro miqdorida kelishuv amalga oshirilgan.

26 yoshli italyan futbolchi bilan inglizlarning yetakchi klubi o‘rtasida tuzilgan mehnat shartnomasi 2030 yil yozigacha mo‘ljallangan. Parijning yirik jamoasi safida Donnarumma 161 ta o‘yinda maydonga tushdi.

U 156 ta gol o‘tkazib yuborgan bo‘lsa-da, 56 ta o‘yinda darvozasini daxlsiz saqlashga muvaffaq bo‘ldi. Italyan darvozaboni 2021 yildan buyon fransuz klubida faoliyat yuritmoqda.

U «Milan» akademiyasida tarbiyalangan futbolchidir.