«Liverpul» jamoasining hujumchi yarim himoyachisi Harvi Elliot jamoani tark etadi. Bu haqida Euro-football.ru xabar berdi.
Futbolchi «Aston Villa» klubiga ijaraga beriladi. Bu haqda taniqli insayder Fabrizio Romano ma’lum qilmoqda.
Manba xabariga ko‘ra, klublar transfer shartlari bo‘yicha kelishuvga erishgan. Elliot ijaraga beriladi va keyinchalik uni majburiy xarid qilish imkoniyati mavjud bo‘ladi.
Xarid qiymati 35 million yevro miqdorida belgilangan. Tez orada ingliz futbolchisi «Aston Villa»da tibbiy ko‘rikdan o‘tadi.
O‘tgan mavsumda Elliot «Liverpul» safida 28 ta o‘yinda maydonga tushib, beshta gol urdi va uchta golga uzatma berdi. Transfermarkt ma’lumotlariga ko‘ra, uning bozor qiymati 30 million yevroni tashkil etadi.
Bu transfer futbolchining faoliyatida yangi bosqich bo‘lishi kutilmoqda.
