Kerem Aktyurkog‘lu Fenerbaxche bilan shartnoma imzoladi
«Fenerbaxche» klubining rasmiy sayti ma’lumotiga ko‘ra, jamoa portugaliyalik «Benfika» klubidan yarim himoyachi Kerem Aktyurkog‘luni sotib oldi. Bu haqida Euro-football.ru xabar berdi.
25 yoshli turk futbolchisi bilan to‘rt yillik shartnoma imzolandi. Ushbu transfer uchun Istanbul klubi 22,5 million yevro to‘ladi.
Kelishuvga ko‘ra, bonuslar hisobiga bu summa oshishi mumkin. Kerem Aktyurkog‘lu 2024 yil yozida «Galatasaroy»dan «Benfika»ga o‘tgan edi.
Portugaliya klubida u jami 58 o‘yinda maydonga tushib, 17 ta gol urdi va 13 ta golga assistentlik qildi. Yangi jamoasida futbolchi o‘zining yuqori darajadagi mahoratini namoyish etishi kutilmoqda.
«Fenerbaxche» ushbu transfer orqali o‘z tarkibini yanada kuchaytirdi va kelajakda muvaffaqiyatli natijalarga erishishni maqsad qilgan.
